ზოგადი ინფორმაცია

პროფესიული განვითარების საბჭოს 2020 წლის 29 დეკემბრის #13 სხდომის გადაწყვეტილებითm თბილისის სახელმწიფო სამედიცინო უნივერსიტეტის დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტის და საქართველოს სახალხო დამცველის აპარატის მიერ წარდგენილ უწყვეტი სამედიცინო განათლების ელექტრონულ პლატფორმაზე დაფუძნებულ ინტერნეტ-პროგრამას - ონლაინ სასწავლო კურსს „ფსიქოსოციალური საჭიროების მქონე ქალთა ჯანმრთელობის მართვა ორსულობამდე, ორსულობის, მშობიარობისა და მშობიარობის შემდგომ პერიოდში“ მიენიჭა აკრედიტაცია (აკრ. № ო-0229), I ტიპის 6 უპგ ქულა;
პროგრამა მომზადებულია თბილისის სახელმწიფო სამედიცინო უნივერსიტეტსა და გაეროს მოსახლეობის განვითარების ფონდს (UNFPA) შორის გაფორმებული მემორანდუმის ფარგლებში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მიერ 2020 წლის 3 ივლისს #01-319/ო ბრძანებით დამტკიცებული კლინიკური პრაქტიკის ეროვნული რეკომენდაციის (გაიდლაინის) და კლინიკური მდგომარეობის მართვის სახელმწიფო სტანდარტის (პროტოკოლის) „პერინატალური პერიოდის მართვა ფსიქიკური აშლილობის დროს“ იმპლემენტაციის მიზნით.
სასწავლო კურსი განკუთვნილია მეან-გინეკოლოგებისა და ფსიქიატრებისათვის, რათა ამაღლდეს მათი ინფორმირებულობა და პასუხისმგებლობა ფსიქოსოციალური საჭიროების მქონე ქალების სექსუალური და რეპროდუქციული ჯანმრთელობის და უფლებების მიმართულებით. აღსანიშნავია, რომ კურსი მოიცავს როგორც სამედიცინო, ასევე უფლებრივ საკითხებს, რაც თავის მხრივ წინაპირობაა საკითხის ირგვლივ სულ მცირე ორ განსხვავებულ მიმართულებაში ახალი ცოდნის მოსაპოვებლად.

ონლაინ პლატფორმაზე დაფუძნებული დაუსწრებელი ფორმატის უსგ პროგრამა მოიცავს ორ ნაწილს: სწავლება და ტესტირება:

სწავლება: ონლაინ სასწავლო პლატფორმაზე განთავსებული ლიტერატურა დაგეხმარებათ ტესტირების გავლაში.

ტესტირება: ითვალისწინებს 50 ტესტისგან შემდგარ პაკეტს, რომელშიც წარმოდგენილია 3 მიმართულება:

ა) უფლებრივი საკითხები;
ბ) კლინიკური საკითხები მეან -გინეკოლოგის კომპეტენციის ფარგლებში;
გ) კლინიკური საკითხები ფსიქიატრის კომპეტენციის ფარგლებში;


ტესტი მოიცავს 50 შეკითხვას. სერტიფიკატი გაიცემა 75% სწორის პასუხის გაცემის შემთხვევაში. მსმენელს ტესტის დასრულებისთვის განსაზღვრული დრო არ აქვს, ტესტი დასრულებულად ჩაითვლება შესაბამის ღილაკზე ხელის დაჭერის შემდეგ. სამჯერ წარუმატებელი მცდელობის შემთხვევაში, მსმენელს ეძლევა საშუალება, კვლავ დაუბრუნდეს სასწავლო მასალას. ტესტირების გავლის საშუალება მსურველს ეძლევა წარუმატებელი შემთხვევიდან 14 დღეში.

ტესტირება
o გაიარეთ რეგისტრაცია;
o ელექტრონულ ფოსტაზე მიიღებთ აქტივაციის ლინკს და შეძლებთ პროფილის აქტივაციას;
o გაიარეთ ავტორიზაცია და შეგიძლიათ დაიწყოთ ტესტირება;
o ტესტირების დაწყებამდე გაეცანით სასწავლო ლიტერატურას.
o ტესტირების დაწყების დროს თქვენთვის გენერირდება ინდივიდუალური ბილეთი, რომელიც შედგება 50 კითხვისაგან;
o თითოეულ კითხვას შეგიძლიათ დაუბრუნდეთ ნებისმიერ დროს და შეცვალოთ პასუხი;
o კითხვებზე გადასვლა შეგიძლიათ ციფრების ჩამონათვალით ან ღილაკზე „შემდეგი“ დაჭერით;
o ღილაკზე „ტესტის დასრულება“ დაჭერით მთავრდება ტესტირება, ამის შემდეგ თქვენ ვეღარ შეცვლით პასუხს;
o ეკრანზე გამოვა შედეგები და კომენტარები კითხვებზე;
o სერტიფიკატი გაიცემა 75% სწორი პასუხის შემთხვევაში;
o წარუმატებლობის შემთხვევაში შეგიძლიათ გაეცნოთ პასუხების კომენტარებს, გააანალიზოთ თქვენი შეცდომები და თავიდან სცადოთ.

სწავლა

ტესტირება